Վարչապետ Նիկոլ Փաշինեանի գլխաւորութեամբ կայացած է Անվտանգութեան Խորհուրդի հերթական նիստը։
Նիստին, Անվտանգութեան Խորհուրդի անդամներէն բացի, մասնակցած են նաեւ նախագահ Վահագն Խաչատուրեանը եւ Ազգային ժողովի նախագահ Ալէն Սիմոնեանը։
Նիստի ընթացքին անդրադարձ կատարուած է Հայաստանի Հանրապետութեան Զինուած ուժերու բարեփոխումներու ընթացքին, Հայաստանի դէմ կիրառուող հիպրիտային սպառնալիքներուն հակազդման միջոցառումներուն, ինչպէս նաեւ առցանց հարթակներու վրայ, այդ շարքին՝ ընկերային ցանցերու վրայ, երեխաներու պաշտպանութեան առնչուող հարցերուն:
