Հայաստանի վարչապետ Նիկոլ Փաշինեան Նոյեմբեր 2-ին Յովհաննավանքի մէջ պիտի մասնակցի եւս մէկ պատարագի։ Վարչապետը այդ մասին յայտնած է Ֆէյսպուքի իր էջով հրապարակուած տեսանիւթի միջոցով։
ՀՀ վարչապետը Հոկտեմբեր 26-ին Արագածոտնի մարզի Օհանաւան գիւղի Յովհաննավանք եկեղեցւոյ մէջ մասնակցած է պատարագի, որ մատուցած է նոյն եկեղեցւոյ հոգեւոր հովիւ Տէր Արամ քահանայ Ասատրեանը։
Աւելի վաղ, Ամենայն Հայոց Գարեգին Բ. կաթողիկոսը կարգալոյծ հռչակած էր Տէր Արամ քահանայ Ասատրեանը, սակայն վերջինս յայտնած էր, որ չ’ընդունիր զինք կարգալոյծ հռչակելու որոշումը եւ Հոկտեմբեր 26-ին Յովհաննավանքի մէջ պատարագ հրաւիրած էր, որուն մասնակցեցաւ ՀՀ վարչապետ Նիկոլ Փաշինեանը։
