Ըստ Ռուսաստանի, ՀՀ վարչապետ Նիկոլ Փաշինեան պիտի օգտուի Ռուսիոյ նախագահ Վլատիմիր Փութինի հրաւէրէն եւ Դեկտեմբեր 25-26-ին պիտի ժամանէ Սան Փեթերպուրկ, ուր պիտի մասնակցի Եւրասիական Տնտեսական Բարձրագոյն Խորհուրդի եւ ԱՊՀ երկիրներու ղեկավարներու աւանդական նախաամանորեայ հանդիպման: Այնտեղ, փաստօրէն, հնարաւոր պիտի ըլլար բարձրացնել բոլոր հետաքրքրող հարցերը։ Այս մասին յայտնած է Ռուսիոյ Արտաքին գործերու նախարարութեան պաշտօնական ներկայացուցիչ Մարիա Զախարովան։
«Հայ-ատրպէյճանական յարաբերութիւններու կարգաւորման բոլոր առումներու վերաբերեալ մեր դիրքորոշումը բազմիցս եւ մանրամասնօրէն արտայայտուած է թէ՛ նախագահին, թէ՛ Ռուսիոյ Արտաքին գործերու նախարարութեան ղեկավարին կողմէ։ Մոսկուայի մէջ, առաջնորդուելով Հայաստանի հետ յարաբերութիւններու դաշնակցային բնոյթով, մենք մշտապէս պատրաստ ենք հարցերը քննարկելու հանգիստ, արհեստավարժ եւ գործընկերային ձեւով», ըսած է ան։
