«Աս պահին դեռ փոփոխութիւն չկայ, շարունակում ենք սպասել ռուսական խաղաղապահ զօրախմբի արձագանգներին», Կոռնիձորի մէջ լրագրողներու հետ ճեպազրոյցին ժամանակ ըսաւ ՀՀ յատուկ յանձնարարություններով դեսպան Էտմոն Մարուքեանը՝ անդրադառնալով Հայաստանէն Լեռնային Ղարաբաղ շուրջ 400 թոն պարէնամթերքի տեղափոխման խոչընդոտներուն։
Մարուքեան նշեց, որ Լեռնային Ղարաբաղի մէջ իրավիճակը սրած է, 30.000 երեխաներ թերի կը սնուին, կան դեղորայքի խնդիրներ. «Միջազգային մարդասիրական ու մարդու իրաւունքներով զբաղուած բոլոր կառոյցները տեղեկացուած են։ Մենք նպատակ ունենք մարդասիրական բեռները փոխանցել ռուս խաղաղապահներին, եւ նրանք փոխանցեն Արցախին»։
Մարուքեանի խօսքով՝ Հայաստանի կողմէ դիւանագիտական բոլոր քայլերը կը կատարուին, սակայն մարդասիրական ճգնաժամը աւելի կը խորանայ. «Դուք երէկ տեսաք, որ Հհ-ում հաւատարմագրուած դեսպանները ամբողջը տեսել են եւ իրենց մայրաքաղաքներում տեղեկացրել են, թէ ինչ է կատարւում։ Այսինքն՝ դիւանագիտական բոլոր քայլերը կատարուած են»:
Հարցումին, թէ այս նախաձեռնութեան մասին Մոսկուայի մէջ տեղի ունեցած եռակողմ հանդիպման ընթացքին ՀՀ արտաքին գործերու նախարար Արարատ Միրզոյեանը Ռուսիոյ եւ Ատրպէյճանի արտաքին գործերու նախարարներուն յայտնա՞ծ է, Մարուքեան պատասխանեց, որ ոչ թէ յստակ այդ հարցը բարձրացուած է, այլ ընդհանրապէս Լաչինի միջանցքի բացուելու հարցը։
