«Մասիս» հրատարակչականի կազմակերպութեամբ տեղի կ’ունենայ հանրային քննարկում «ՍԴ Հնչակեան Կուսակցութիւնը 1908 թուականի երիտթուրքական յեղափոխութենէն յետոյ. տեսութիւն եւ գործնականացում» խորագրով, որ կը ներկայացուի փրոֆ. Եաշար Թոլգա Քորայի կողմէ Չորեքշաբթի, Ապրիլ 26 2023-ին, ժամը 8-ին, ՀԿԲՄ-ի Փասատինայի կենտրոնէն ներս. հասցէ 1060 N Allen Ave., Pasadena: Դասխօսութեան կը յաջորդէ հարց ու պատասխան:
Եաշար Թոլգա Քորան վերջին շրջանի օսմանեան պատմաբան է, որ կենդրոնացած է հայկական համայնքներու ընկերային եւ մշակութային պատմութեան վրայ: Ան հրապարակած է տարբեր թեմաներ, որոնց շարքին` հայերու աշխատանքային պատմութիւնը, Օսմանեան բանակէն ներս հայ զինուորները եւ հայկական սոցիալիստական հրատարակութիւնները: Անոր ներկայիս հետազօտութիւնը կը վերաբերի հայերու դերին օսմանեան հիւսուածեղենի ապրանքափոխանակութեան եւ տասնիններորդ դարու վերջերուն անոնց ինքնութեան նշաններու վերածելու գործին:
Քորան իր դոկտորական (PhD) վկայականը ստացած է 2016 թուականին Շիքակոյի Համալսարանէն իր ատենախօսութեամբ` «Փոխակերպելով Էրզրումը/կարինը. Տասնիններորդ դարու բազմազգ օսմանեան քաղաքի սոցիալական եւ տնտեսական պատմութիւնը»:
Շիքակոյի համալսարանը աւարտելէ յետոյ դոկտոր Քորան պաշտօնավարծ է Միշիկընի Էնն Արպոր համալսարանէն ներս` 2016-2017 թուականներուն: Ներկայիս ան դասախօս է Սթամպուլի Պողազիչի համալսարանի պատմութեան ամպիոնէն ներս:
2022 թուականին դոկտոր Քորան արժանացած է պատմութեան բնագաւառէն ներս երիտասարդ գիտնականի մրցանակին` Թուրքիոյ Գիտութիւններու Ակադեմիային կողմէ: Ներկայիս դոկտոր Քորան TarihVakfi Press-ի գլխաւոր խմբագիրն է եւ Շիքակոյի համալսարանի 2023 թուականի գարնան Դումանեանի անուան հայագիտականի այցելու փրոֆէսորը:
