Հայաստանի Հանրապետութեան պետական պիւտճէէն Արցախի Հանրապետութեան կառավարութեան պիտի տրամադրուի 20 միլիառ դրամ գումարի չափով միջպետական վարկ: Որոշումը ընդունուեցաւ կառավարութեան Հոկտեմբեր 27-ի նիստին:
Միջպետական վարկը Արցախի Հանրապետութեան կառավարութեան կը տրամադրուի տարեկան 0,01 տոկոս տոկոսադրոյքով, մինչեւ 2026 թուականի Յունուար 1 մարման ժամկէտով` վարկի հիմնական գումարի եւ անոր նկատմամբ հաշուեգրուող տոկոսագումարներու վճարումը վարկի մարման վերջնաժամկէտին իրականացնելու պայմանով:
Գումարը պիտի տրամադրուի Արցախի կառավարութեան` 2020 թուականի պատերազմի հետեւանքով տեղահանուած բնակիչներուն համար Լեռնային Ղարաբաղի մէջ բնակելի տուներու կառուցման եւ կահաւորման, ինչպէս նաեւ դրամատուներու հանդէպ ունեցած պարտաւորութիւններու ֆինանսաւորման համար:
