Նախնական արդիւնքներու հրապարակումէն ընդամէնը ժամեր անց, Պելառուսիոյ նախագահին վերընտրուելու առթիւ Հայաստանի վարչապետի շնորհաւորանքը խստօրէն կը քննադատուի, յեղափոխութեամբ իշխանութեան եկած «Իմ քայլ»էն քննադատութիւնը չի ընդունուիր։
Ազգային ժողովի ընդդիմադիր՝ «Լուսաւոր Հայաստան» խմբակցութեան ղեկավարի կարծիքով, վարչապետ Նիկոլ Փաշինեան շատ շտապած է։ Էտմոն Մարուքեան իշխող ուժին անցած ճանապարհի ու այդ շնորհաւորանքին միջեւ արժէքային հակադրութիւն կը տեսնէ։
«Ես կը սպասէի, որ ներքին գոնէ պահանջքներով ընդդիմութեան վիճարկելու գործընթացները գնան եւ նոր որոշում կը կայացնէի դրա վերաբերեալ: Իսկ էս առումով վարչապետը շատ շտապել է նախ: Եւ յաջորդը, որ արդէն էնտեղ զոհ կայ, եւ երեք հազարից աւել մարդ ա բերման ենթարկուել, ընդդիմութեան առաջնորդները բանտերում նստած են, ԶԼՄ-ների ղեկավարները, լրագրողները բանտերում նստած են, եւ վարչապետը էդ ամէն ինչը մի կողմ ա դնում եւ շտապելով շնորհաւորում ա», – նշեց Մարուքեան:
Վարչապետը խստօրէն քննադատեցին նաեւ շարք մը իրաւապաշտպաններ:
Արթուր Սաքունց. – «Ինքնին, երբ որ Գագիկ Ծառուկեանը շնորհաւորում է, դու շնորհաւորում ես, էդ դէպքում հարց է ծագում` Մարտ 1-ի գործով Քոչարեանի նկատմամբ քրէական հետապնդումը հենց նոյն գործողութիւնների համար է կատարուել: Պելառուսիայում հիմա տեղի է ունենում սահմանադրական կարգի բռնի զաւթում»:
Նախնական արդիւնքներու համաձայն՝ Լուքաշենքօն 80-էն աւելի ձայներու տոկոսով յաղթած է ընդդիմադիր հիմնական թեկնածու՝ ընտրողներու ձայներու մօտ տասը տոկոսը հաւաքած Թիխանովսկաեային։ Իսկ Պելառուսիոյ յետընտրական բազմահազարանոց ցոյցերը չեն դադրած, ոստիկանութիւնը կոշտ միջոցներ կը կիրառէ: Պաշտօնապէս յայտնի է մէկ զոհի մասին:
Վարչապետին մամլոյ խօսնակ՝ Մանէ Գէորգեան նպատակայարմար չյամարեց արձագանգել վարչապետի հասցէին հնչող քննադատութեան, բայց ըսաւ, թէ ծանօթ է, եւ կը հետեւի։
Իշխանական «Իմ քայլ»էն Ազգային ժողովի արտաքին յարաբերութիւններու յանձնաժողովի նախագահ՝ Ռուբէն Ռուբինեան վարչապետի շնորհաւորանքին մէջ անընընդունելի ոչինչ կը տեսնէ:
26 տարի նախագահած եւ ըստ պաշտօնական տուեալներուն, վեցերորդ անգամ վերընտրուած Ալեքսանտր Լուքաշենքօն շնորհաւորող երկիրներու կարգին Հայաստան առաջիններէն էր, հրապարակուած են նաեւ Չինաստանի, Թուրքիոյ, Վենեզուելայի ղեկավարներուն, Եւրասիական Տնտեսական միութեան (ԵԱՏՄ) Հայաստանի դաշնակից Ռուսաստանին եւ Ղազախիստանի նախագահներու հեռագիրները։ Եւրոպայէն ու ԱՄՆ-էն մտահոգութիւններ կը հնչեն։
