Եւրոպայի խորհուրդի խորհրդարանական վեհաժողովի թիւով 60 պատուիրակներ ուրբաթ օր Ստրասպուրկի մէջ համատեղ յայտարարութիւն տարածած են, որմով պահանջած են հետաքննել Ատրպէյճանի կողմէ ԵԽԽՎ պատուիրակներուն կաշառելու մասին արեւմտեան մամուլին մէջ յայտնուած տեղեկութիւնները:
Ատրպէյճանական «Թուրան» գործակալութեան փոխանցմամբ խօսքը 2013-ին տեղի ունեցած դրուագի մը մասին է, երբ իտալացի պատգամաւոր Լուքա Վոլոնթէ եւ ատրպէյճանական պատուիրակութեան երկու անդամներ կաշառած են Եւրոպայի խորհուրդի խորհրդարանական վեհաժողովի անդամներէն մի քանին` Ատրպէյճանի քաղբանտարկեալներուն նուիրուած զեկոյցի ընդունումը արգելափակելու նպատակով:
ԵԽԽՎ պատուիրակները պահանջած են անկախ մարմին ստեղծել խայտարակ այս պատմութիւնը հետաքննելու նպատակով: