Ծանրամարտի Հայաստանի հաւաքականի անդամ Սիմոն Մարտիրոսեան Ռիոյի մէջ տեղի ունեցող 31-րդ ամառնային Ողիմպիական խաղերու ընթացքին տիրացաւ արծաթէ մետալի:
105 քկ. ծանրութեան մէջ հանդէս գալով, Մարտիրոսեան պոկում ձեւով առաջին փորձի ժամանակ բարձրացուց 185 քկ.: Ապա, ան երկրորդ փորձով հասաւ 190 քկ.-ի, իսկ 195 քկ.-ին հասնելու Մարտիրոսեանի փորձը ձախողութեան մատնուեցաւ:
Հրում ձեւի ընթացքին Մարտիրոսեանը կարողացաւ բարձրացնել 227 քկ եւ ընդհանուր` 417 քկ. արդիւնքով ան ապահովեց Հայաստանի առաջին մետալը այս ողիմպիականներու ընթացքին:
Այս ծանրութեան ոսկի մետալին տիրացաւ Ուզպէքիստանի ներկայացուցիչ Ռուսլան Նուրուտինով, որ երկու ձեւերով բարձրացուց 431 քկ.