Շաբաթ, 16 Հոկտեմբեր 2010-ի առաւօտեան ժամը 10:00-ին« Հայկազեան Համալսարանի հանդիսասրահին մէջ տեղի ունեցաւ Հաճնոյ հերոսամարտի 90-ամեակին առթիւ գիտաժողով մը:
Մտաւորականներու եւ պատմասէրներու ընտրանիի մը առջեւ խօսք առնելով Անդրանիկ Տագէսեան ծանօթացուց գիտաժողովին նպատակը եւ անոր փոխանցելիք խորհուրդը գալիք սերունդներուն: Գիտաժողովի առաջին խօսք առնողը եղաւ Փարիզի Սորպոնի համալսարանէն վկայեալ, Սեն Տընիի համալսարանի ժէօփոլիթիքի ֆրանսական հիմնարկի հետազօտութեան բաժնի տնօրէն, Փարիզի Հ.Բ.Ը.Մ.-ի Նուպարի մատենադարանի տնօրէն« ինչպէս նաեւ Հայաստանի Հանրապետութեան Ազգային ակադեմիայի անդամ, ցեղասպանութեան նուիրւած բազմաթիւ գիրքերու հեղինակ դոկտ. Ռեմոն Յարութիւն Գէորգեանը:
Ան ներկայացուց Հաճնոյ 1915-ի բռնագաղթը: Ա. նիստին երկրորդ զեկուցողը եղաւ Արարատ պաշտօնաթերթի պատասխանատու խմբագիր` Ահարոն Շխրտըմեանը: Ան ներկայացուց գերման-թրքական փոխ յարաբերութիւնները եւ Հաճնոյ տեղահանութիւնը: Սոյն նիստին համադրողն էր տոքթ. Եղիկ Ճէրէճեան: Զեկոյցները աւարտելէ ետք տեղի ունեցաւ հարց-պատասխան եւ քննարկում: Կարճ դադարէ մը ետք տեղի ունեցաւ գիտաժողովի երկրորդ նիստը` համադրող դոկտ. Լեւոն Նորտիկեան: Փրինսթոն համալսարանէն ինչպէս նաեւ Փենսիլվանիայի համալսարանի միջազգային յարաբերութիւններու բաժնէն Մագիստրոս տիտղոսով վկայեալ բազմաթիւ պատմական ուսումնասիրութիւններու եւ յօդուածներու հեղինակ Արամ Արքուն ներկայացուց Հաճնոյ ցեղասպանութեան մասնակցողները պատժելու փորձերը 1918-1920 ինկած ժամանակամիջոցին: Ներկայիս Պերլին հաստատուած Կիլիկիոյ մասին պատմական գիրքերու հեղինակ, օսմանեան հայերու ժառանգութեան վերաբերեալ« Յուշամատեան կայքէջի խմբագրութեան պաշտօնը վարող դոկտ. Վահէ Թաշճեան ներկայացուց Ֆրանսան եւ Հաճընը. անխուսափելի պարտութեան մը ռազմավա-րութիւնը:
Գիտաժողովին երրորդ եւ վերջին զեկուցաբերներն էին լիբանանեան խորհրդարանի նախկին անդամ« պատմական գիրքերու եւ ուսումնասիրութիւններու հեղինակ դոկտ. Եղիկ Ճէրէճեան: Ան ներկայացուց Հաճընն ու իր յեղափոխական ոգին£: Որմէ ետք Հայկազեան Համալսարանի ուսանողական հարցերու պատասխանատու ինչպէս նաեւ Հայկազեան Հայագիտական հիմնարկի պատասխանատու քարտուղար Անդրանիկ Տագէսեան ներկայացուց Նոր Հաճնոյ Սուրբ Գէորգ եկեղեցւոյ տոմարները: Համադրող` Ահարոն Շխրտըմեան:
Յատկանշական էր գիտաժողովին հետեւող ունկնդիրներուն ոգեւորութիւնը: Դոկտ. Ռէմոն Գէորգեան ամփոփ տողերու մէջ կատարեց զեկոյցներուն արժեւորումը:
Հայկազեան Համալսարանի տնօրէն դոկտ. Փօլ Հայտոսթեան վեր առաւ գիտաժողովին մասնակից զեկուցաբերներուն կատարած աշխատանքը« եւ նշեց թէ մասնակիցները անխտիր լրջօրէն պատրաստած էին իրենց ուսումնասիրութիւնները եւ միաժամանակ գնահատեց ներկաներուն մասնակցութիւնը: Ան մաղթեց որ այսօրինակ գիտաժողովներ աւելի յաճախակի տեղի ունենան Լիբանանի մէջ եւ այլուր:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Sign Up for Our Newsletters

Get notified of the latest updates from MassisPost.

You May Also Like

Genocide Museum Unveils New Edtion of “The Armenian Genocide in Contemporary American Encyclopedias”

YEREVAN — The Armenian Genocide Museum-Institute has published the new monograph of…

Armenian American Museum Selects PNG Builders for Phase I Construction

GLENDALE – The Armenian American Museum has announced the selection of PNG…

Australia’s First Armenian Mayor Gearing Up For Positive Change

From Arthur Hagopian Sydney, Nov 9 – He was only two years…

Balakian to talk on Armenian Genocide at Lafayette College

EASTON, PA — On Wed., Oct. 23, Prof. Peter Balakian will deliver…