Լիբանանի վարչապետ Սաատ Հարիրի յետաձգած է Հոկտեմբեր 7-ի Հայաստան կատարելիք այցելութիւնը, իր երկրէն ներս տիրող ներքաղաքական լարուած վիճակին պատճառաւ:
Այս կապակցութեամբ Լիբանանի Խորհրդարանի անդամ, ՍԴՀԿ Կեդրոնական Վարչութեան անդամ Սեպուհ Գալփաքեան հայաստանեան ՚ “Հայնիւզ” կայքէջին յայտնած է որ, վերջին օրերուն բաւական սրած է իշխանութեան եւ ընդդիմութեան կողմնակիցներու յարաբերութիւնները: Լիբանանի երկրորդ մեծագոյն քաղաքը հանդիսացող Թրիփոլիի մէջ արդէն իսկ արիւնահեղութիւն տեղի ունեցած է, որու հետեւանքով մարդ զոհուած է: Պատճառը, ըստ Սեպուհ Գալփաքեանի, նախկին վարչապետ Ռաֆիկ Հարիրիի սպանութեան գործը քննող ՄԱԿ-ի դատարանի յառաջիկայ օրերուն սպասուող որոշումն է:
Յայտնենք որ, տարածուող լուրերու համաձայն, ՄԱկ-ի Միջազգային Դատարանի քննիչները պատրաստ են ամբաստանագիր ներկայացնելու Շիի համայնքին պատկանող “Հըզպալլահ” կազմակերպութեան անդամներուն դէմ: “Հըզպալլահ” մերժելով սպանութեան հետ իր անդամներու առնչութիւնը կը պահանջէ վարչապետ Սաատ Հարիրիէն, որպէսզի կանխաւ յայտարարէ, թէ պիտի չընդունի նման անբաստանութիւն` իր հօր սպանութեան հարցով: Վարչապետը սակայն, կը մերժէ նման կեցուածք որդեգրել ու կը յայտարարէ, որ ինք պիտի ընդունի Միջազգային դատարանի որոշումը եթէ ան ըլլայ հիմնաւորուած:
Կասկածներ կան, որ ՚”Հըզպալլահ” զինեալ իր խմբաւորումները գործի դնելով կրնայ գրաւել երկիրը: Այս կացութեան առջեւ միւս համայնքները եւ յատկապէս Սունի համայնք անդամները սկսած են զինուիլ, յիշեցնելով Լիբանանի քաղաքացիական պատերազմին նախորդող օրերը:

Leave a Reply

Your email address will not be published. Required fields are marked *

Sign Up for Our Newsletters

Get notified of the latest updates from MassisPost.

You May Also Like

United States Announces Assistance Increase for Armenia

YEREVAN — U.S. Ambassador to Armenia Richard M. Mills, Jr., has announced…

Armenia’s Central Bank Raises Key Refinancing Rate

YEREVAN — The Central Bank of Armenia (CBA) raised its benchmark interest…

World Bank Forecasts Lowest Growth In Armenia Since 2010

YEREVAN (RFE/RL) — The World Bank expects Armenia to have this year…

Christina Maranci to Present the Art of Armenia at Armenian Historical Association of Rhode Island

PROVIDENCE, RI — Prof. Christina Maranci of Tufts University will present her…