Հայաստանի վարչապետ Նիկոլ Փաշինեան յայտնած է, որ Հայաստանի մէջ Յունիս 7-ին տեղի ունեցած խորհրդարանական ընտրութիւններուն «Քաղաքացիական Պայմանագիր» կուսակցութեան արձանագրած արդիւնքները անխոցելիօրէն օրինական են։
Վարչապետը այս մասին ըսած է լրագրողներու հետ ճեպազրոյցին։
«Հայաստանի քաղաքացին խորհրդարանական ընտրութիւններում իր կամքն արտայայտելու հնարաւորութիւն է ունեցել։ Ընտրութիւնների արդիւնքները, մասնաւորապէս ՔՊ-ի արձանագրած արդիւնքները անխոցելիօրէն օրինական են, եւ ընտրութիւնների արդիւնքներն էլ առնուազն այս մասով արտայայտում են Հայաստանի քաղաքացիների ազատ կամարտայայտումը»,- նշած է Փաշինեան։
Հարցումին, թէ արդեօք անոնք օրինական չեն ընդդիմադիր քաղաքական ուժերուն արձանագրած արդիւնքներուն մասով, Փաշինեան ըսած է, որ ընդդիմադիրներուն մասով տասնեակ ընտրակաշառքներ բաժնելու քրէական գործեր եւ ձայնագրութիւններ կան հրապարակուած։
