Հայաստանի Հակափտածութեան Կոմիտէի նախագահ Արթուր Նահապետեան օրէնսդրական փոփոխութիւններ նախաձեռնելու միջնորդութեամբ դիմած է Հայաստանի արդարադատութեան նախարար Սրբուհի Գալեանին։
«Կարեւորելով ընտրական գործընթացների օրինականութեան ապահովումը՝ Կոմիտէում նախնական ամփոփուել է 2026 թուականի Ազգային Ժողովի ընտրութիւններին նախորդող ժամանակահատուածում բացայայտուած փտածութեան բնոյթի ընտրական յանցագործութիւնների դէպքերի առթիւ իրականացուող վարոյթների տուեալները, վեր են հանուել այդ յանցագործութիւնների դրսեւորման մեխանիզմները եւ դրանց կատարմանը նպաստող հանգամանքները, որոնց հիման վրայ ՀՀ Հակակոռուպցիոն Կոմիտէի նախագահը դիմել է ՀՀ արդարադատութեան նախարարին՝ միջնորդելով յանցանքի կատարմանը նպաստող հանգամանքները վերացնելու նպատակով նախաձեռնել այնպիսի օրէնսդրական փոփոխութիւններ, որոնք յետայսու նուազագոյնի կը հասցնեն բացայայտուած յանցաւոր կառուցուածքների կիրառման հնարաւորութիւնը, այդ թւում՝ այդպիսի կառուցուածքներում ներգրաւուած քաղաքական ուժերի մասնակցութիւնն ընտրական գործընթացներին արգելելու եղանակով»,- ըսուած է Հակափտածութեան Կոմիտէի տարածած հաղորդագրութեան մէջ:
