Ընթացիկ տարուայ առաջին կիսամեակին Հայաստանի մէջ տնտեսական աշխուժութեան ցուցանիշը 6,3 տոկոսով գերազանցած է մէկամեայ վաղեմութեան տուեալը։
Այս մասին նշուած է ՀՀ Վիճակագրական Կոմիտէի հրապարակած հերթական ամփոփագրին մէջ։
Յունիսին այն 8,8 տոկոսով բարձր եղած է նախորդ ամսուայ ցուցանիշէն, իսկ 2024 թուականի Յունիսի համեմատ աճած է 8,6 տոկոսով։
Այս տարուայ Յունուար-Յունիս ամիսներուն արդիւնաբերական արտադրանքին ծաւալը 12,1 տոկոսով ցած եղած է 2024-ի նոյն ժամանակահատուածի ցուցանիշէն՝ կազմելով 1 թրիլիոն 257 միլիառ 746,6 միլիոն դրամ։ Յունիսին՝ մէկ ամսուայ կտրուածքով, աճած է 2,5 տոկոսով՝ կազմելով 226 միլիառ 899,7 միլիոն դրամ։ Ընդ որում, նախորդ տարուայ Յունիսի ցուցանիշէն ցած եղած է 1,2 տոկոսով։
Գիւղատնտեսութեան համախառն արտադրանքի ծաւալն այս տարուայ առաջին վեց ամիսներուն 7,3 տոկոսով գերազանցած է նախորդ տարուայ նոյն ժամանակահատուածի ցուցանիշը՝ գնահատուելով 316 միլիառ 87,7 միլիոն դրամ:
Շինարարութեան ծաւալը 2025 թուականի Յունուար-Յունիսին 18,5 տոկոսով գերազանցած է նախորդ տարուայ նոյն ժամանակահատուածի ցուցանիշը՝ կազմելով 224 միլիառ 871,5 միլիոն դրամ։ Յունիսին՝ Մայիսի համեմատ, արձանագրուած է 21,1 տոկոսի աճ։ Նախորդ տարուայ Յունիսի համեմատ աճը 22,6 տոկոս է։ Այս տարուայ Յունիսին իրականացուած է 59 միլիառ 408,2 միլիոն դրամի շինարարութիւն։
Առեւտուրի շրջանառութիւնը Յունուար-Յունիսին 3,9 տոկոսով գերազանցած է նախորդ տարուայ նոյն ժամանակահատուածի ցուցանիշը՝ կազմելով 2 թրիլիոն 953 միլիառ 471,8 միլիոն դրամ։ Յունիսին՝ Մայիսի համեմատ, աճած է 6,2 տոկոսով՝ կազմելով 549 միլիառ 356,9 միլիոն դրամ: Նախորդ տարուայ Յունիսի համեմատ արձանագրուած է 2,8 տոկոսի աճ:
Ծառայութիւններու ծաւալը (առանց առեւտուրի) այս տարուայ առաջին կիսամեակին 9,8 տոկոսով գերազանցած է նախորդ տարուայ նոյն ժամանակահատուածի ցուցանիշը՝ կազմելով 1 թրիլիոն 812 միլիառ 346,1 միլիոն դրամ։ Յունիսին՝ Մայիսի համեմատ, աճած է 1,3 տոկոսով՝ կազմելով 322 միլիառ 828 միլիոն դրամ։ Նախորդ տարուայ Յունիսի համեմատ արձանագրուած է 8,2 տոկոսի աճ։
Սպառողական գիներու ցուցակը Յունուար-Յունիսին 3,1 տոկոսով բարձր եղած է նախորդ տարուայ նոյն ժամանակահատուածի ցուցանիշէն։ Յունիսին՝ Մայիսի համեմատ, նուազած է 1,3, իսկ նախորդ տարուայ Յունիսի համեմատ աճած է 3,9 տոկոսով։
Արդիւնաբերական արտադրանքի գիներու ցուցակը Յունուար-Յունիսին 2,1 տոկոսով բարձր եղած է, քան նախորդ տարուայ նոյն ժամանակահատուածին։ Յունիսին՝ Մայիսի համեմատ, աճած է 0,3, իսկ նախորդ տարուայ Յունիսի համեմատ՝ 2,5 տոկոսով։
Ելեկտրականութեան արտադրութիւնը այս տարուայ առաջին վեց ամիսներուն 0,8 տոկոսով գերազանցած է նախորդ տարուայ նոյն ժամանակահատուածի ցուցանիշը։ Արտադրուած է 4 միլիառ 325,6 միլիոն քիլօուաթ/ժամ ելեկտրականութիւն։ Յունիսին՝ Մայիսի համեմատ, արտադրուած է 6,3 տոկոսով աւելի՝ 616,2 միլիոն քվթ/ժամ։ Այդ 1,7 տոկոսով կը գերազանցէ նախորդ տարուայ Յունիսի ցուցանիշը:
Միջին ամսական անուանական աշխատավարձի վերաբերեալ տուեալներ չեն ներկայացուած։
