Երեւանի մէջ մեկնարկած են յետխորհրդային ժամանակաշրջանի ամենամեծ թաղամասի կառուցման աշխատանքները:
Այս մասին յայտնած է Երեւանի փոխքաղաքապետ Տիգրան Աւինեանը:
Կառուցուող թաղամասը կը գտնուի Աջափնեակ վարչական շրջանին մէջ` Հիւսիս-Հարաւ մայրուղիին հարեւանութեամբ: Այն բնակելի միքրոշրջան է, որ ապահովուած պիտի ըլլայ ուսումնակրթական եւ մշակութային, առաջին անհրաժեշտութեան սպասարկման հաստատութիւններով` մանկապարտէզներ, դպրոցներ, մարզաառողջարանային համալիրներ, մշակութային, առեւտուրի, ժամանցի կեդրոններ, գերժամանակակից բազմերես հիւանդանոց, դեղատուներ, կապի բաժանմունքներ, դրամատուներ եւ այլն:
Կառուցապատման առաջին փուլին արդէն մեկնարկած են 63 բազմաբնակարան շէնքի եւ 20 հա մակերեսով անտառ-պուրակի հիմնելու աշխատանքները, որունմէջ ներգրաւուած են աւելի քան 2000 աշխատակից:
Ըստ ծրագրաւորման` բնակելի միքրոշրջանի առաջին փուլի ամբողջական յանձնումը պիտի կատարուի 2025-ի վերջը: