Արցախի Հանրապետութեան նախագահ Արայիկ Յարութիւնեան ընդունած է նախագահին կից Հակաճգնաժամային Խորհուրդի անդամները` կառոյցի ղեկավար Տիգրան Պետրոսեանի գլխաւորութեամբ:
Քննարկուած են 2020 թուականի պատերազմին ու 2022 թուականի Դեկտեմբեր 12-էն շարունակուող շրջափակման հետեւանքով Արցախի մէջ ստեղծուած ռազմա-քաղաքական, ընկերա-տնտեսական իրավիճակին առնչուող հարցեր:
Արայիկ Յարութիւնեանը իր խօսքին մէջ կարեւորած է պետական իշխանութեան եւ հանրային շրջանակներուն միջեւ համագործակցութիւնը ճգնաժամային իրավիճակներու յաղթահարման նպատակով` համոզմունք յայտնելով, որ նորաստեղծ Խորհուրդը պիտի դառնայ այդ գործընթացին կարեւոր օղակներէն մէկը:
