ՀՀ Ազգային Ժողովը փակ գաղտնի քուէարկութեամբ ընդունեց պաշտպանութեան նախկին նախարար, ԱԺ «Հայաստան» խմբակցութեան ղեկավար Սէյրան Օհանեանի նկատմամբ հանրային քրէական հետապնդում յարուցելուն համաձայնութիւն տալու մասին ՀՀ գլխաւոր դատախազին ներկայացուցած երեք միջնորդագրերը:
Փակ գաղտնի քուէարկութեան արդիւնքները յայտնեց Հաշուիչ Յանձնախումբի նախագահ Նարեկ Պապայեանը:
Անոր խօսքով` միջնորդագրերէն երկուքին համար քուէարկութեան մասնակցած է ԱԺ 107 պատգամաւորներէն 68-ը, որոնք բոլորն ալ կողմ քուէարկած են: Միջնորդագրերէն միւսին քուէարկութեան մասնակցած է 66 պատգամաւոր, որոնք բոլորն ալ կողմ քուէարկած էին:
Պապայեանի խօսքով` «Քաղաքացիական Պայմանագիր» խմբակցութեան 2 պատգմաւոր չունին գաղտնիութեան թոյլտուութիւն, անոր համար չեն մասնակցած: