Արցախի Հանրապետութեան նախագահ Արայիկ Յարութիւնեան ուժային կառոյցներու ղեկավարներուն մասնակցութեամբ խորհրդակցութիւն հրաւիրած է, որուն կը մասնակցէր նաեւ Արցախի Հանրապետութեան Անվտանգութեան Խորհուրդի քարտուղար Վիթալի Բալասանեանը:
Քննարկուած է Ատրպէյճանի կողմէ Լաչինի միջանցքի շրջափակման հետեւանքով հանրապետութեան մէջ ստեղծուած իրավիճակին մէջ ներքին եւ արտաքին անվտանգութեան վերաբերող հարցերու լայն շրջանակ:
Տեղի ունեցած շահագրգիռ քննարկումէն յետոյ նախագահ Յարութիւնեանը ներկաներուն շարք մը յանձնարարականներ տուած է անոնց համալիր լուծման ուղղութեամբ:
