Ջերմուկի մէջ, 20-21 Դեկտեմբերին, ՀՀ արտաքին գործերու նախարարու եւ Արտաքին Գործերու Նախարարութեան ղեկավար կազմի գլխաւորութեամբ տեղի ունեցած է ՀՀ դիւանագիտական ներկայացուցչութիւններու ղեկավարներու աշխատանքային քննարկումը:
Դեկտեմբեր 20-ին միջոցառման մասնակիցներուն հետ հանդիպած է ՀՀ վարչապետ Նիկոլ Փաշինեանը: Վարչապետն անդրադարձած է Հայաստանի արտաքին քաղաքական առաջնահերթութիւններուն, առկայ մարտահրաւէրներուն եւ զանոնք դիմագրաւելու հնարաւորութիւններուն, խօսիլ առկայ պայմաններուն մէջ դիւանագէտներէն ունեցած ակնկալիքներուն մասին: Նիկոլ Փաշինեան նաեւ պատասխանած է ներկաներու հարցումներուն:
Յաջորդիւ, նախարար Արարատ Միրզոյեանի գլխաւորութեամբ բարձրաստիճան դիւանագէտները քննարկած են Հայաստան-Ատրպէյճան յարաբերութիւններու կարգաւորման, Լեռնային Ղարաբաղի հիմնախնդիրի հանգուցալուծման, Ատրպէյճանի կողմէ Լաչինի միջանցքի արգելափակման, սահմանային անվտանգութեան ու սահմանազատման, տարածաշրջանին մէջ տնտեսական եւ ճանապարհային ենթակառուցուածքներու ապաշրջափակման, Հայաստան-Թուրքիա յարաբերութիւններու կարգաւորման գործընթացներու մանրամասնութիւնները, ինչպէս նաեւ ՀՀ արտաքին քաղաքական առաջնահերթութիւններուն վերաբերող այլ հարցեր:
ՀՀ արտաքին գործերու նախարարին կողմէ տրուած են համապատասխան յանձնարարականներ` հետագայ աշխատանքներուն վերաբերեալ:
