Հնդկաստան աշխատանքային այցի շրջանակին մէջ պաշտպանութեան նախարար Սուրէն Պապիկեան այցելած է Կանտինակար քաղաքին մէջ բացուած «DEFEXPO» ցուցահանդէս: Սուրէն Պապիկեանը շրջած է ցուցահանդէսի տաղաւարներով, ծանօթացած է ներկայացուած ցուցանմուշներուն, զրուցած է շարք մը ընկերութիւններու ղեկավարներուն հետ:
Այցի շրջանակին մէջ ՀՀ պաշտպանութեան նախարար Սուրէն Պապիկեան հանդիպած է Հնդկաստանի պաշտպանութեան նախարար Շրի Ռաճնաթ Սինկհի հետ: Զրուցակիցները գոհունակութիւն յայտնած են համագործակցութեան ներկայ մակարդակին վերաբերեալ, քննարկուած են համագործակցութեան ընդլայնման հնարաւորութիւնները, երկկողմ ռազմական եւ ռազմատեխնիկական համագործակցութեան շարք մը մհարցեր:
ՀՀ պաշտպանութեան նախարարը ներկայացուցած է ատրպէյճանական վերջին յարձակման հետեւանքով ստեղծուած իրադրութիւնը եւ շնորհակալութիւն յայտնած է միջազգային ատեաններուն մէջ Հնդկաստանի յստակ դիրքորոշման համար: Հանդիպման աւարտին Սուրէն Պապիկեան իր գործընկերոջ հրաւիրած է պաշտօնական այցով այցելել Հայաստան:
