Home ԳԼԽԱՒՈՐ ԼՈՒՐԵՐ Իրաքի Իսլամ Կրօնական Ղեկավարներ. Թուրքիոյ Իշխանութիւնները Պէտք է Հայցեն Հայ Ժողովրդի Ներողամտութիւնը

Իրաքի Իսլամ Կրօնական Ղեկավարներ. Թուրքիոյ Իշխանութիւնները Պէտք է Հայցեն Հայ Ժողովրդի Ներողամտութիւնը

by MassisPost

Ապրիլի 15-ին Իրաքում ՀՀ դեսպան Հրաչեայ Փոլադեանը դեսպանութիւնում ընդունեց Իրաքի Կրօնական ազգային խորհրդի նախագահ Շէյխ Իւսեֆ ան-Բասրիին, Իրաքի կառավարութեանը կից Համակեցութեան եւ համայնքային խաղաղութեան մշտական յանձնաժողովի անդամներին, ինչպէս նաեւ՝ նրանց ուղեկցող հոգեւորականների պատուիրակութեանը։

Հանդիպման ընթացքում մուսուլմանական հոգեւոր առաջնորդները ներկայացրեցին Իրաքում ազգային եւ կրօնական միջհամայնքային փոքրամասնութիւնների համագործակցութեան ամրապնդմանն ուղղուած աշխատանքներն՝ ընդգծելով իրաքահայ համայնքի եւ Հայ Առաքելական եկեղեցու Իրաքի թեմի անգնահատելի դերն այս գործում՝ յատկապէս պատերազմական եւ դրան յաջորդած ժամանակահատուածում։

Հոգեւոր առաջնորդների հետ հանդիպմանը քննարկուեցին նաեւ Հայոց ցեղասպանութեան հետ առնչուող հարցեր։ Իրաքի Կրօնական ազգային խորհրդի նախագահ Շէյխ Իւսեֆ ան-նասրին, խստօրէն դատապարտելով Օսմանեան կայսրութիւնում իրականացուած անմարդկային ոճրագործութիւնը, ընդգծեց, որ թուրքական ներկայ իշխանութիւնները, յանուն իրենց սերունդների, պէտք է հայցեն հայ ժողովրդի ներողամտութիւնը կատարուածի համար։

հանդիպման վերջում հոգեւոր առաջնորդները փոխանցեցին իրենց ողջոյններն ու բարեմաղթանքները Ն.Ս.Օ.Տ.Տ. Գարեգին Երկրորդ Ամենայն Հայոց կաթողիկոսին՝ շեշտելով Իրաքում կրօնական եւ ազգային փոքրամասնութիւնների նկատմամբ իրաքեան իշխանութիւնների պետական հոգածութիւնը՝ կարեւորելով յատկապէս Իրաքի բազմազգ եւ բազմակրօն խճանկարում երկու ժողովուրդների միջ-կրօնական համերաշխութեանն ուղղուած կապերի զարգացման անհրաժեշտութիւնը։

Հարակից Նյութեր

Leave a Comment