Home ԳԼԽԱՒՈՐ ԼՈՒՐԵՐ 2017-ի Յունուար-էն Հոկտեմբեր Ամիսներուն Արտասահմանէն Դրամական Փոխանցումները 15,5 Տոկոսով Աճած Են

2017-ի Յունուար-էն Հոկտեմբեր Ամիսներուն Արտասահմանէն Դրամական Փոխանցումները 15,5 Տոկոսով Աճած Են

by MassisPost

2017 թուականի Յունուար-Հոկտեմբերին արտասահմանէն Հայաստան ֆիզիքական անձանց դրամական փոխանցումները 15,5 տոկոսով աճած են: Հոկտեմբեր 30-ին լրագրողներու հետ զրոյցին այս մասին յայտնեց Կեդրոնական դրամատունի նախագահ Արթուր Ջաւատեանը, որ կը մասնակցէր ԱԺ ֆինանսավարկային եւ պիւճետային հարցերով մշտական յանձնաժողովին 2018 թուականի պետական պիւտճէի նախագիծի քննարկման:

Խօսքը զուտ ներհոսքի մասին է, այսինքն՝ այն մասին, թէ արտասահմանէն եկածը որքանով մեծ է արտասահման փոխանցուածէն: Հրապարակուած վերջին վիճակագրութեամբ՝ Յունուար-Օգոստոսին աճը կազմած է գրեթէ 10 տոկոս, Սեպտեմբեր-Հոկտեմբերին ներհոսքը շարունակած է աճիլ: Հիմնականին մէջ փող  կ’ուղարկեն Ռուսաստանէն: Յունուար-Օգոստոսին անոր բաժին հասած է 87 տոկոսը կամ 409,5 մլն տոլար:

Նախքան Հայաստանի իշխանութիւնները բազմիցս նշած են, որ չափէն աւելի փոխանցումները տնտեսութիւնը կը վնասեն, որովհետեւ եկամուտները պէտք է աշխատանքային ըլլան: Սակայն այն մասին, թէ երկրի մէջ ինչպէս ստեղծել այս աշխատանքային եկամուտները, առայժմ արդիւնաւէտ պատասխան չեն տար:

Անկէ բացի, փոխանցումները շուկան արտասահմանեան արժոյթով կը լեցնեն: Իսկ այդ կրնայ հայկական դրամը արժեւորել՝ իր բոլոր բացասական հետեւանքներով (արտահանման եւ ներմուծման համար): Այս պատճառով տարուան սկիզբը ԿԲ-ն շուկայ բաց թողեց մօտ 100 մլն տոլար (դրամով փոխարկուած)՝ շուկայի մէջ արժոյթ գնելով:

Հարակից Նյութեր

Leave a Comment