Ճակատագրական պահերուն, երբ մեր ժողովուրդը կը դիմագրաւէ պատերազմ ու կը գտնուի ողբերգական վիճակներու առջեւ, հայութիւնը Հայրենիքի մէջ ու սփիւռքի տարածքին կը միասնանան ու մէկ բռունցք կը կազմեն, պաշտպանելու համար իրենց ազգակիցները եւ օգնութեան ձեռք երկարելու Հայաստանի եւ Արցախի մեր քոյրերուն եւ եղբայրներուն:

Մեր ամբողջ պատմութեան ընթացքին ցոյց տուած ենք ենք, որ մենք տոկուն ենք ու պատրաստª յաղթահարելու դարերու վրայ երկարող հալածանքները, պատերազմները եւ ցեղասպանութիւնը:

Այսօր մեր ժողովուրդը կը գտնուի հսկայ մարտահրաւէրներու առջեւ հասնելու համար ժողովրդավարութեան եւ բարօրութեան:

Լեռնային Ղարաբաղի անկախութենէն ասդին Հայութիւնը միլիոնաւոր տոլարներու օժանդակութիւն հասցուց Արցախին, որպէսզի վերականգնուին ենթակառոյցները, երիտասարդները ստանան բարձրորակ ուսում յարմարաւէտ պայմաններու մէջ, հիւանդանոցները պատշաճ առողջապահութիւն ապահովեն ժողովուրդին, ունենան մշակութային կեդրոններ եւ օժտուին ժողովուրդի կողմէ ընտրուած իշխանութեամբ, որ ծառայէ ժողովուրդին:

Այսօր, Արցախի կառոյցները եւ պարզ քաղաքացիները կ°ենթարկուի յարձակումիª Ալիեւի բռնապետութեան ու անոր մինչեւ ատամները զինուած բանակին կողմէ:

Հայ զինուորներ եւ անմեղ քաղաքացիներ զոհ գացին պաշտպանելով մեր պապենական հողերը, իսկ ուրիշներ տակաւին կը մնան անյայտ:

Թէեւ մենք ի վիճակի չենք որպէս զինուորներ պայքարելու անոնց ազատութեան համար, սակայն մենք ի վիճակի ենք նիւթապէս օգնելու, որպէսզի անոնք կարողանան պաշտպանուիլ ու դիմակալել թշնամիին:

Ձեր նիւթական օժանդակութիւնը, անկախ գումարի չափէն, մեծ օգտակարութիւն պիտի ունենայ անոնց, որոնք տուժեցին ազերի յարձակումներու ընթացքին:

Հայ Ամերիկեան Խորհուրդը կոչ կ°ուղղէ սփիւռքահայութեան, օժանդակելու մեր քոյրերուն եւ եղբայրներուն, որոնք այսօր կարիքը ունին ձեր օգնութեան:

Միասնաբար կրնանք երաշխաւորել մեր քոյրերու եւ եղբայրներու ապահովութիւնը:

Միասնաբար կրնանք վերակառուցել Արցախը:

Կը խնդրենք սեղմել այստեղª կատարելու համար ձեր նիւթական օժանդակութիւնը:




Leave a Reply

Your email address will not be published. Required fields are marked *

Sign Up for Our Newsletters

Get notified of the latest updates from MassisPost.

You May Also Like

Western Armenian Summer Education Workshop: The Next Steps

LISBON — The Armenian Communities Department of the Calouste Gulbenkian Foundation brought together 41 educators…

World Bank Forecasts Lowest Growth In Armenia Since 2010

YEREVAN (RFE/RL) — The World Bank expects Armenia to have this year…

US Calls For Return of All Detainees and Full Accounting of Missing Persons

WASHINGTON, DC — The United States has called on Armenia and Azerbaijan…

Spain’s Malaga Recognizes Armenian Genocide

MALAGA — The City Council of Malaga, Spain, has unanimously adopted a…