Ազգային Ժողովը վաւերացուց Հայաստանի Հանրապետութեան եւ Վերակառուցման եւ զարգացման միջազգային դրամտան միջեւ «Հայաստանի բնակարանային ապահովման եւ հիփոթեքային շուկայի զարգացման ծրագիր» ֆինանսական համաձայնագիրը:
Ղարաբաղէն տեղահանուած ընտանիքներու բնակարանային ապահովման աջակցութեան ծրագրին վերաբերեալ համաձայնագիրը վաւերացուեցաւ 66 «կողմ» եւ 21 «ձեռնպահ» ձայնով:
«Ծրագրի ընդհանուր ֆինանսաւորման ծաւալը 284,4 միլիոն տոլար է, որից 264,4 միլիոնը վարկային միջոցներ են: 240 միլիոն տոլարը Վերակառուցման եւ զարգացման միջազգային դրամատան վարկային միջոցներն են, 24,4 միլիոն տոլարը՝ ընդհանուր արտօնեալ ֆինանսաւորման գործիքի դրամաշնորհը»,- նշեց Աշխատանքի եւ բարեկեցութեան նախարարի տեղակալ Լուսինէ Քոչարեանը:
Նախատեսուող ֆինանսաւորումը պիտի իրականացուի փուլերով: Ծրագրի շրջանակին մէջ պետական պիւտճէէն արդէն վճարուած է աւելի քան 6 միլիառ դրամ։
