«Ես կարող եմ պարզ ճակատով ասել՝ Հայաստանի Հանրապետութեան Ազգային Ժողովի 2026 թուականի Յունիսի 7-ի ընտրութիւններն անցել են ազատ, արդար, թափանցիկ»:
Այս մասին ըսած է Կեդրոնական Ընտրական Յանձնաժողովի նախագահ Վահագն Յովակիմեանը։
«Նախորդ բոլոր ընտրութիւնների համեմատութեամբ այս ընտրութիւնների ընթացքում թերացումներն անհամեմատ քիչ են եղել, բայց մենք ունեցել ենք իրավիճակ, երբ, ըստ էութեան, քաղաքական ուժերից մէկի անցնել-չանցնելու խնդիրը, շեմը շատ զգայուն իրավիճակում է եղել, եւ լարուածութիւնը, զգացումները դրանով են պայմանաւորուած եղել»,- նկատած է ան:
ԿԸՅ նախագահը կրկնած է՝ ԱԺ 2026 թուականի ընտրութիւնը մինչ այս տեղի ունեցածներուն համեմատութեամբ՝ թերութիւններու, տեխնիկական խնդիրներու առումով, եղած է լաւագոյնը:
Այսօր կայացած է Կեդրոնական Ընտրական Յանձնաժողովի նիստը, որու օրակարգին մէջ ընդգրկուած եղած է երկու հարց։
Յանձնաժողովը քննարկել եւ ուժը կորսնցուցած ճանչցած է «Քաղաքացիական Պայմանագիր» կուսակցութեան, «Ուժեղ Հայաստան» եւ «Հայաստան» դաշինքներու՝ ինքնաբացարկ ներկայացուցած կամ պատգամաւորական մանտատէն հրաժարած թեկնածուներուն գրանցումները։
Երկրորդ հարցով կազմուած է ընտրուած պատգամաւորներու գրանցման եւ անոնց մանտաթներ տրամադրելու վերաբերեալ արձանագրութիւնը։ Նոր գումարման Ազգային Ժողովը պիտի ունենայ 105 պատգամաւոր։ «Քաղաքացիական պայմանագիր» կուսակցութիւնը պիտի ունենայ 64 մանտաթ, «Ուժեղ Հայաստան»-ը՝ 29, իսկ «Հայաստան» դաշինքը՝ 12 մանտաթ:
Յունիս 7-ի հերթական ընտրութիւններու արդիւնքներով ընտրուած 9-րդ գումարման Ազգային Ժողովի առաջին նիստը տեղի պիտի ունենայ Օգոստոս 2-ին` ժամը 10։00-ին։

