Սահմանազատման յանձնաժողովի նախագահ, փոխվարչապետ Մհեր Գրիգորեանի գրասենեակրն կը տեղեկացնեն՝ երկու երկիրներու յանձնաժողովները շարք մը հարցերու, ընդ որում՝ սահմանազատումը Տաւուշի մարզէն սկսելու վերաբերեալ որեւէ կայացուած որոշում կամ ձեռք բերուած համաձայնութիւն չունին:
«Ազատութիւնը» փոխվարչապետ Գրիգորեանի գրասենեակէն, մասնաւորապէս, հետաքրքրուած էր՝ արդեօ՞ք սահմանազատման յանձնաժողովներուն աշխատանքները կը մտնեն գործնական փուլ, Հայաստանի սահմանազատման յանձնաժողովը համաձայնա՞ծ է սահմանազատումը սկսիլ Տաւուշի մարզէն, կա՞յ յստակ ժամկէտ, թէ երբ պէտք է Ատրպէյճանին վերադարձուին պահանջուած չորս գիւղերը, Պաքուն կող՞մ է որպէս ահմանազատման հիմք ընդունիլ Ալմա-աթիի հռչակագիրը:
Այս բոլոր հարցերուն վերաբերեալ, կը պարզուի, որ որոշում եւ համաձայնութիւն չկայ. ինչպէս փոխվարչապետին գրասենեակը կը փոխանցէ՝ քննարկումներ կ’ընթանան: