Հայաստանի Հանրապետութեան Գլխաւոր Դատախազութիւնը ՀՀ իրաւասու մարմիններուն կողմէ հետախուզուող Կարէն Վանեցեանի նկատմամբ քրէական հետապնդում իրականացնելու նպատակով յանձնման մասին միջնորդութիւն ուղարկած է Ռուսաստանի Դաշնութեան Գլխաւոր Դատախազութիւն:
Տեղեկութիւնը «Հայկական Ժամանակ»-ի հետ զրոյցին յայտնած են ՀՀ Գլխաւոր Դատախազութենէն:
Յունուար 29-ին տեղեկացուած էր, որ Մոսկուայի մէջ ձերբակալուած է Հայաստանի մէջ հետախուզման մէջ գտնուող՝ նաւթարդիւնահանող ռուսական խոշորագոյն ընկերութեան սեփականատէր Կարէն Վանեցեանը, որուն ընկերութիւնը յայտնի է «Իտէալ» եւ «Օլենիա» ապրանքանիշերով։
Աւելի վաղ յայտնի դարձած էր, որ Հայաստանի դատախազութիւնը քրէական հետապնդում յարուցած է Զուիցերիոյ Համադաշնութեան եւ Հայաստանի Հանրապետութեան քաղաքացի Կարէն Վանեցեանի նկատմամբ՝ յանցաւոր ճանապարհով ստացուած գոյքը օրինականացնելու համար (փողերու լուացում):
Նշենք, որ Կարէն Վանեցեանը ՀՀ Ազգային Անվտանգութեան Ծառայութեան նախկին պետ Արթուր Վանեցեանի եղբայրն է: Ձերբակալութեան լուրէն քիչ յետոյ Կարէն Վանեցեանի փաստաբանական խումբը յայտարարութիւն տարածած էր՝ յայտնելով, որ Վանեցեանը ազատութեան մէջ է:
