Հայաստանի տարածքին յայտնաբերուած եւ ձերբակալուած է ատրպէյճանցի երկրորդ զինուորը, որ Ապրիլ 10-ին Հայաստանի տարածք անցած էր ծառայակիցին հետ:
Այս մասին յայտնեցին ՀՀ Պաշտպանութեան Նախարարութենէն:
«Ապրիլի 13-ին ՀՀ տարածքում յայտնաբերուել եւ ձերբակալուել է ատրպէյճանցի երկրորդ զինուորը», ըսուած է հաղորդագրութեան մէջ:
Ապրիլ 10-ին Ատրպէյճանի Պաշտպանութեան Նախարարութիւնը յայտնած էր Ատրպէյճանի զինուած ուժերու երկու զինուոր կորսուելու մասին: Նոյն օրը Պաշտպանութեան Նախարարութիւնը յայտնեց, որ Հայաստանի տարածքին ձերբակալուած է ատրպէյճանցի զինուոր` նշելով, որ անոր հետ եղած է եւս մէկ զինուոր, որուն որոնողական աշխատանքներ կ’իրականացուին:
