Ատրպէյճանը Հայաստանի հետ սահմանին նոր զօրամաս տեղակայած է: Ատրպէյճանական պաշտօնական աղբիւրներու փոխանցմամբ՝ զօրամասը կառուցուած է սահմանագօտիի Ղազախ-Աղստաֆա հատուածին վրայ:
Ատրպէյճանի սահմանային պետական ծառայութեան ղեկավար Էլչին Ղուլիեւի խօսքով՝ նոր զօրամասը կարեւոր է պետական սահմանի ամբողջականութեան ապահովման տեսանկիւնէն:
Ղազախի շրջանի հետ Տաւուշի մարզի սահմանը Հայաստանի եւ Ատրպէյճանի սահմանի ամենաերկար հատուածն է: