Ինչպես HayNews.am-ին Լիբանանից հաղորդեց Սոցիալ Դեմոկրատ Հնչակյան կուսակցության «Արարատ» օրաթերթի գլխավոր խմբագիր Ահարոն Շխրտմյանը, այս րոպեին Նահատակաց հրապարակում ավարտվել է հայկական համայնքի բողոքի հանրահավաքը` ընդդեմ Թուրքիայի վարչապետ Ռեջեփ Թայիփ Էրդողանի գալստյան:
«Ողջ հրապարակը լեփ-լեցուն է: Այստեղ մոտ 15 000 մարդ կա, որոնց ճնշող մեծամասնությունը երիտասարդներն են: Հանրահավաքը բացեց Հնչակյան կուսակցության ներկայացուցիչ Ալեքսան Քեոշկերյանը, այնուհետև` ռամկավարներից` Մարտիկ Ավետիքյանը, ինչպես նաև Դաշնակցության ներկայացուցիչ Ավո Կիտանյանը: Այնուհետև Լիբանանի թեմի առաջնորդը` սրբազան Գեղամ արքեպիսկոպոս Խաչերյանը փակեց հանրահավաքը: Բանախոսները դատապարտեցին Էրդողանի Բեյրութ կատարած այցելությունն ու պահանջեցին, որպեսզի նա ներողություն խնդրի ինչպես հայ, այնպես էլ լիբանանցի ժողովուրդներից` Առաջին համաշխարհային պատերազմի տարիներին Թուրքիայի կողմից գործած անմարդկային ոճիրների համար: Այն նույն հրապարակում, որտեղ մենք ելույթ հավաքվել ենք, 1915 թ-ին թուրքերը կախել են մոտ 20 լիբանանցի հայրենասերների, ովքեր պայքարում էին թուրքական բռնապետության դեմ: Այս կետերը շեշտվեցին: Կան նաև բազմաթիվ լրատվական գործակալությունների, հեռուստաընկերությունների ներկայացուցիչներ, ովքեր ամբողջ աշխարհով մեկ սփռելու են մեր բողոքի ձայնը»,-ասաց մեր զրուցակիցը:
ՍԴՀԿ օրաթերթի գլխավոր խմբագիրը նաև ավելացրեց, որ «Մի շարք լրատվական աղբյուրներ չարամտորեն հայտարարել են, թե բախումներ են տեղի ունեցել հայերի և Լիբանանի իրավապահների միջև»:
«Չարաչար սուտ է: Չկա նման բան, անողներն էլ մութ ուժեր են: Համենայն դեպս, մենք որոշել էինք, որ հանրահավաքին մինչև 5000 մարդ ներկա կլինի, սակայն մարդկանց թվաքանակն անցնում է 15 000-ից: Երեք կուսակցությունները, ողջ հայությունն այսօր մեկ բռունցք են, միասնական և համախմբված: Այսօր ոչ մի հայ աշխատանքի դուրս չի եկել` բոլորի խանութները փակ են:»,-նշեց Ահարոն Շխրտմյանը:
HayNews.am

Leave a Reply

Your email address will not be published. Required fields are marked *

Sign Up for Our Newsletters

Get notified of the latest updates from MassisPost.

You May Also Like

2018 Aurora Humanitarians Announced

YEREVAN – Today, the Aurora Prize for Awakening Humanity Selection Committee announced…

The 1974 Turkish Invasion of Cyprus

NICOSIA — The Turkish invasion of 1974 has undoubtedly been the most…

Schumer on Anticipated Armenian Genocide Recognition by President Biden: It’s a Long Time Coming

On Thursday multiple lawmakers issued statements of praise for President Biden following…

ACA and GYO Partake in California Democratic Party Convention

SAN DIEGO, CA – A delegation of members from the Armenian Council…