Փետրուար 9, 2011, Չորեքշաբթի ՌԱԿ Պէշկէօթիւրեան կեդրոնին մէջ (Ալթատինա, Քալիֆորնիա) խորհրդակցական հանդիպում տեղի ունեցաւ Ռամկավար Ազատական Կուսակցութեան Արեւմտեան Ամերիկայի Շրջանային Վարչութեան եւ Սոցիալ Դեմոկրատ Հնչակեան Կուսակցութեան Արեւմտեան Ամերիկայի Վարիչ Մարմնին միջեւ, քննարկելու համար Ամերիկահայութիւնը հետաքրքրող հարցեր:
Հանդիպումի ընթացքին կարծիքներ փոխանակուեցան համահայկական քաղաքական հրատապ հարցերու շուրջ:
Քննարկուեցան Հայաստան Համահայկական Հիմնադրամի, Գալիֆորնիայի Հայկական Միացեալ Մարմնի եւ հայրենիքի պետութեան կողմէ առաջարկուող երկպալատ խորհրդարան ստեղծելու գաղափարին առնչուող հարցեր, ինչպէս նաեւ շարք մը աշխատանքային ծրագիրներ:
Քոյր կուսակցութիւններու միջեւ համերաշխ եւ մտերմիկ մթնոլորտի մէջ ընթացող խորհրդակցութիւնը որոշում կայացուց, յառաջիկային եւս միատեղ գործել` մեր համայնքի ու Հայրենիքի քաղաքական եւ հասարակական ոլորտներուն մէջ:
Up next
SDHP-ADL Consultative Meeting
Sign Up for Our Newsletters
Get notified of the latest updates from MassisPost.
