Ռուսաստանի արտաքին գործերու նախարար Սերկէյ Լաւրով յայտնած է, որ Հայաստանը պաշտօնական դիմում չէ ներկայացուցած Եւրասիական Տնտեսական Միութենէն (ԵԱՏՄ) եւ Հաւաքական Անվտանգութեան Պայմանագրի Կազմակերպութենէն (ՀԱՊԿ) դուրս գալու վերաբերեալ։
«Նման դիմում ՀԱՊԿ-ի վերաբերեալ չէ ստացուած, ինչպէս որ Եւրասիական Տնտեսական Միութենէն դուրս գալու դիմում չէ ստացուած»,- լրագրողներուն ըսած է Ռուսաստանի արտաքին գործերու նախարարը ՀԱՊԿ արտաքին գործերու նախարարների խորհուրդի, պաշտպանութեան նախարարներու խորհուրդի եւ անվտանգութեան խորհուրդներու քարտուղարներու կոմիտէի համատեղ նիստէն յետոյ։
Լաւրով նաեւ յաւելած է, որ հայ գործընկերները, ըստ էութեան, կը պահպանեն Հաւաքական անվտանգութեան մասին պայմանագրով նախատեսուած բոլոր հիմնարար իրաւունքները, այդ շարքին՝ հաւաքական անվտանգութեան իրաւունքը:
