ԵՄ անդամ 27 երկիրներու արտաքին գործերու նախարարների խորհուրդի նիստի ընթացքին, ի թիւս այլ հարցերու, քննարկուած է նաեւ ԵՄ-ի աջակցութիւնը Հայաստանին, ինչպէս նաեւ հայ-ատրպէյճանական յարաբերութիւններու կարգաւորման հարցը։
Նիստի աւարտին ԵՄ արտաքին յարաբերութիւններու հարցերով գլխաւոր խօսնակ Փիթըր Սթանօն Պրիւքսէլի մէջ «Արմենփրես»-ի թղթակցին փոխանցած է, որ արտաքին գործերու նախարարները նիստին վերահաստատած են իրենց աջակցութիւնը Հայաստանին՝ յիշեցնելով Նոյեմբերին կայացած նիստին արդիւնքներով յայտարարուած բոլոր տարրերը, ինչպէս նաեւ աջակցութիւնը ՀՀ-ԵՄ յարաբերութիւններու նոր օրակարգի աշխատանքներուն, հայ-ատրպէյճանական յարաբերութիւններու հետագայ կարգաւորման։
