Անցեալ տարուան Յունուար-Դեկտեմբեր ամիսներուն Հայաստան մուտք գործած է տարբեր երկիրներու 4 միլիոն 764 հազար 274 քաղաքացի, իսկ հակառակ ուղղութեամբ երկրին սահմանը հատած է 4 միլիոն 793 հազար 768 մարդ: Ժամանածներէն 1 միլիոն 972 հազար 135-ը եւ մեկնածներէն 2 միլիոն 8 հազար 647-ը եղած են ՀՀ քաղաքացիներ:
Այդպիսի տուեալներ ներկայացուցած է ՀՀ Վիճակագրական Կոմիտէն:
Մեկնածներուն թիւը 29 հազար 494-ով գերազանցած է ժամանածներու ցուցանիշը: Նոյն ժամանակահատուածին երկրէն մեկնած ՀՀ քաղաքացիներուն թիւը 36 հազար 512-ով աւելին է, քան ժամանածներունը: Նման միտում արձանագրուած է նաեւ 2022 թուականին, երբ տարբերութիւնը կազմած է 27 հազար 941: 2022-ին տարբեր երկիրներու անցագրերով Հայաստան մուտք գործած է 3 միլիոն 394 հազար 371 քաղաքացի, մեկնողներուն թիւը կազմած է 3 միլիոն 355 հազար 639 մարդ՝ համապատասխանաբար 1 միլիոն 479 հազար 798-ը եւ 1 միլիոն 507 հազար 739-ը ՀՀ անցագրով:
Առաւել շատ մարդ Հայաստան ժամանած է «Զուարթնոց» օդակայանի (2 միլիոն 537 հազար 576), Բագրատաշէնի (1 միլիոն 401 հազար 232), Բաւրայի (341 հազար 247) եւ Մեղրիի (308 հազար 690) սահմանային անցակէտերով:
