Ընթացիկ տարուան Յունուար-Սեպտեմբեր ամիսներու ընթացքին Հայաստանի Հանրապետութեան մէջ 26 հազար 882 ծնունդ արձանագրուած է։ Այս մասին տեղեկացուցած է ՀՀ Վիճակագրական Կոմիտէն։
Աղբիւրին տեղեկատուութեամբ՝ մահերուն ցուցանիշը նոյն ժամանակահատուածին կազմած է 18 հազար 107։
Այս տարուան ինը ամիսներու ընթացքին հանրապետութեան մէջ ամուսնութեան 12 հազար 19 դէպք արձանագրուած է, իսկ ամուսնալուծութեան՝ 3 հազար 363։
Սահմանային անցակէտերով իրականացուած գրանցումներու համաձայն՝ հաշուետու ժամանակահատուածին մէջ հանրապետութիւն մուտք գործած մարդոց թիւը 3 միլիոն 671 հազար 691 է, իսկ ելքերու ցուցանիշը կը կազմէ 3 միլիոն 682 հազար 325։
