Դատախազը բաւարարած է Քննչական Կոմիտէին միջնորդութիւնը` Արցախի պաշտպանութեան նախկին նախարար Ճալալ Յարութիւնեանի նկատմամբ յարուցուած հանրային քրէական հետապնդումը ժամանակաւորապէս կասեցնելու վերաբերեալ, յայտնեց ՔԿ խօսնակ Գոռ Աբրահամեանը:
Տուեալ վարոյթի համակողմանիութիւնն ու անաչառութիւնը ապահովելու նպատակով նշանակուած է յանձնաժողովային ռազմագիտական փորձաքննութիւն, եւ այդ հիմքով վարոյթը իրականացնող մարմինը միջնորդութիւն ներկայացուցած է հսկող դատախազին, յաւելեց ան:
«Փորձաքննութեան ստացուելիք եզրակացութիւնը էական նշանակութիւն է ունենալու քրէական վարոյթով արարքներին վերջնական իրաւական գնահատական տալու համար», նշեց ՔԿ խօսնակը:
44-օրեայ պատերազմի օրերուն` նախքան ծանր վիրաւորումը, Արցախի պաշտպանութեան բանակը ղեկավարած զօրավարը կը մեղադրուի ծառայողական պարտականութիւններու նկատմամբ անփոյթ վերաբերմունք դրսեւորելու համար, որոնք յառաջացուցած են ծանր հետեւանքներ: