«ԼՂ հարցում ունենք երկու մաս` մինչեւ Մատրիտեան սկզբունքները եւ Մատրիտեան սկզբունքներից յետոյ», Ազգային Ժողով-կառավարութիւն հարցուպատասխանի ժամանակ յայտնեց վարչապետ Նիկոլ Փաշինեանը եւ յաւելեց, որ այդ հարցով սկզբունքային փոփոխութիւն տեղի ունեցած է:
Պատասխանելով «Քաղաքացիական Պայմանագիր» խմբակցութեան պատգամաւոր Արուսեակ Ջուլհակեանի հարցին` վարչապետը նշեց, որ ըստ հաւաստի տեղեկութիւններու` Մատրիտեան սկզբունքները նախաձեռնած է հայկական կողմը. «Ինքնորոշում նշանակում է լինել մի որեւէ տեղ եւ ինքնորոշման իրաւունքի իրականացմամբ այդ տեղից տեղափոխշւել այլ տեղ: Մինչեւ Մատրիտեան սկզբունքները այդ տեղը ԽՍՀՄ-ն էր, Մատրիտեան սկզբունքներէն յետոյ այդ տեղը, «հանճարեղ դիւանագիտութեան շնորհիւ», Ատրպէյճանն է: Թարգմանութեան դէպքում նշանակում է, որ ԼՂ-ն է պէտք է լինի Ատրպէյճանի մաս, որ ինքնորոշուի, հակառակ դէպքում ումից է ինքնորոշւում: Սա մեր բացթողումն է, որ 2018-ից մեր ժողովրդին չենք բացատրել սա»:
Նիկոլ Փաշինեան նշեց, որ հիմա անոր պտուղները կը քաղենք. «Մենք մտածել ենք, որ ինչ-որ ձեւերով կարող ենք այդ թակարդից դուրս գալ, բայց քանի որ այդ թակարդը միջազգայնօրէն համաձայնեցուած էր, մենք չկարողացանք դուրս գալ»: