Թուրքիոյ մէջ գործող ընդդիմադիր «Ժողովուրդներու Դեմոկրատական» քրտամէտ կուսակցութեան (HDP-ԺԴԿ) նախկին համանախագահ, այժմ բանտարկուած Սելահատտին Տէմիրթաշը Թուիթըրով գրառում կատարած է երկրաշարժէն յետոյ Թուրքիոյ օգնութեան հասած երկիրներուն վերաբերեալ:
Ան մէջբերած է Թուրքիոյ նախագահ Ռեճեպ Թայիպ Էրտողանի` այլ երկիրներուն բազմիցս հնչեցուցած այն յայտնի սպառնալիքը, թէ «գիշեր մը յայկարծակի կրնանք գալ»: Տէմիրթաշը թրքական իշխանութիւններուն նկատել կու տար, որ ան որ դուք թշնամի կը համարէիք ու կը սպառնայիք, անոնք «առաւօտ մը յանկարծակի եկան օգնութեան»:
«Մինչ կը շարունակենք միասին բուժել մեր վէրքերը, մեր բոլոր բարեկամներուն աշխարհի բոլոր լեզուներով շնորհակալութիւն» ընդգծած է ընդդիմադիր գործիչը եւ տարբեր լեզուներով` այդ շարքին նաեւ հայերէն, գրած է «շնորհակալութիւն» բառը:
