Առանց Լեռնային Ղարաբաղի հիմնախնդրի լուծման կամ գոնէ յստակացման, թէ ինչպէս այն պիտի լուծուի, հնարաւոր չէ խաղաղութեան պայմանագիր կնքել Ատրպէյճանի հետ․ այս մասին կ’ըսէ Հայաստանի Անվտանգութեան Խորհուրդի քարտուղար Արմէն Գրիգորեանը: Անոր խօսքով` հայկական կողմը աշխատած է Ատրպէյճանի ներկայացուցած հինգ սկզբունքներուն եւ անոնց ընդլայնուած տարբերակին վրայ, որուն հիման վրայ երկու երկիրներու արտաքին գործերու նախարարները Նոյեմբեր 7-ին հանդիպած են Ուաշինկթընի մէջ: Այժմ այդ բնագիրը, ըստ Գրիգորեանի, ունի շրջանակային համաձայնագրի տեսք, որ կրնայ համապարփակ լուծել Հայաստանի եւ Ատրպէյճանի միջեւ առկայ խնդիրները: Անվտանգութեան Խորհուրդի քարտուղարը կը կարծէ, թէ երթալով աւելի կը յստակացուին խաղաղութեան գործընթացին շրջանակները: