Ընդդիմադիր «Հայաստան» եւ «Պատիւ Ունեմ» խմբակցութիւնները պիտի չմասնակցին Ազգային Ժողովի նիստերուն:
«Հայաստան» խմբակցութիւնը հանդէս եկած է ծաւալուն յայտարարութեամբ, որուն մէջ մասնաւորապէս կը նշուի, որ պիտի շարունակեն կիրառել քաղաքական պոյքոտի գործիքը: «Այն է` չենք մասնակցելու ոչ-առաջնային, յաճախ էլ արհեստական օրակարգերով լեցուն ԱԺ եւ նրա յանձնաժողովների նիստերին», ըսուած է յայտարարութեան մէջ:
Խմբակցութենէն ընդգծած են, որ խորհրդարանական նիստերուն իրենց մասնակցութիւնը պայմանաւորուած է հանրային աջակցութիւն ստացած օրակարգերու յառաջմղմամբ: «Այն է` Հայաստանի ու Արցախի անվտանգութիւնը, օրուայ իշխանութիւնների պաշտօնանկութիւնը, երկրի հզօրացման ազգային-պետական ուղեգծի հաստատումը», նշած են յայտարարութեան մէջ:
