Արցախի Պաշտպանութեան նախարարութիւնը յայտնած է, որ երէկ՝ Օգոստոս 17-ին՝ ժամը 20:40-ի սահմաններուն, հակառակորդի արձակած կրակոցներու հետեւանքով հրդեհ առած է Արցախի հարաւ-արեւմտեան սահմանին կից շուրջ 3 հեկտար մակերեսով հատուածի խոտածածկը:
Բռնկուած հրդեհը մարելու նպատակով դէպքի վայր մեկնած է հրշէջ ինքնաշարժը, սակայն ատրպէյճանական զինուժը կրակ բացած է հրշէջ մեքենայի ուղղութեամբ՝ խոչընդոտելով կրակը մարելու աշխատանքները:
«Հակառակորդի կողմից արձակուած կրակոցներից հայկական կողմը կորուստներ չի ունեցել: Միջադէպի առնչութեամբ համապատասխան տեղեկատուութիւն է տրամադրուել ռուսական խաղաղապահ զօրակազմի հրամանատարութեանը», – ըսուած է հաղորդագրութեամբ:
