Հայաստան «Քորոնա» ժահրի համաճարակի ցուցանիշներու առումով նոր հակացուցանիշներ կը սահմանէ, Յունիս 26-ի պարէտատան նիստէն յետոյ այս մասին ըսաւ ՀՀ վարչապետ Նիկոլ Փաշինեան։
«Այսօր Հայաստանի Հանրապետութիւնը 1 միլիոն բնակչին ընկնող վարակուածների թուով եւ ամէնօրեայ նոր վարակների թուով առաջատար տեղ է զբաղեցնում աշխարհում։ Սա մեծ խնդիր է մեզ համար, բոլորիս համար, բայց կայ մէկ շատ աւելի կարեւոր խնդիր, որից, մեր կարծիքով, բխում է այս երկրորդ խնդիրը՝ իրավիճակի գիտակցումը եւ տրամադրութիւնը Հայաստանի Հանրապետութիւնում չկայ, որովհետեւ հիմա այս պայմաններում մեր երկրում պէտք է լիներ մի իրավիճակ, որ երկրի երեք միլիոն բնակչութիւնը ամբողջութեամբ ամէնօրեայ ռեժիմով պայքարում է համավարակի դէմ»,- ըսաւ Փաշինեան։
Հայաստանի մէջ վերջին մէկ օրուայ ընթացքին, «Քորոնա» ժահրի դէպքերու թիւը աճած է 759-ով՝ հասնելով 23247-ի, գրանցուած է հիւանդութենէն մահուան նոր 13 դէպք, հաղորդած է Առողջապահութեան նախարարութեան Հիւանդութիւններու վերահսկման եւ կանխարգիլման ազգային կեդրոնը:
Այսօր կեդրոնի կայքի հրապարակած տուեալներու համաձայն՝ հիւանդութենէն բուժուածներու թիւը աւելցած է 814-ով եւ հասած 12149-ի:
Ըստ նոյն աղբիւրին՝ մինչ այժմ կատարուած է 105046 հետազօտութիւն:
