Հայաստանի նախկին գլխաւոր դատախազ Գէորգ Կոստանեանի նկատմամբ յայտարարուած է հետախուզում, միջնորդութիւն ներկայացուած է դատարան՝ անոր նկատմամբ կալանաւորումը որպէս խափանման միջոց ընտրելու համար: Այս մասին «Ազատութեան» յայտնած են Յատուկ քննչական ծառայութենէն (ՅՔԾ):
Երկուշաբթի օր հաղորդուած էր, որ 2008-ի արիւնալի իրադարձութիւնները քննող ՅՔԾ-ն որոշած է որպէս մեղադրեալ ներգրաւել Գէորգ Կոստանեանը եւ անոր առաջարկած է 48 ժամուան ընթացքին ներկայանալ վարոյթն իրականացնող մարմին՝ մեղադրանք առաջադրելու համար:
Նոյն օրը նախկին գլխաւոր դատախազը «Ազատութեան» հետ զրոյցի ժամանակ մասնաւորապէս ըսած է․ – «Այս հրատապութիւնը ինձ համար կանխատեսելի էր, բայց ոչ ողջամիտ»:
Կոստանեանն արդէն երկու ամիս է Մոսկուա կը գտնուի, ուր կը դասաւանդէ Ռուսաստանի գլխաւոր դատախազութեան համալսարանէն ներս:
