Global Finance ամսագիրը կազմած է աշխարհի մէջ ամենաանվտանգ երկիրներու վարկանշային ցուցակը, որ հրապարակուած է հրատարակչութեան կայքին մէջ ։
«Ռիա Նովոսթին» կը գրէ, որ այն կազմուած է հաշուի առնելով հետեւեալ չափանիշները՝ ռազմական հակամարտութեան հաւանականութիւնը, քաղաքացիներու անվտանգութեան համար սպառնալիքի մակարդակը, տնտեսական զարգացման մակարդակը, բնական աղէտի հաւանականութիւնը։
Վարկանշային ցուցակին մէջ Հայաստանը 62-րդ տեղը կը գրաւէ։ Տարածաշրջանային երկիրներէն Վրաստանը 49-րդ տեղը կը զբաղեցնէ, Ատրպէյճանը՝ 71-րդ, Իրանը՝ 77-րդ, Թուրքիան՝ 107-րդ։
Ռուսաստանը ցուցակի 108-րդ հորիզոնականին վրան է, ԱՄՆ-ը՝ 65-րդ։ Առաջին տեղը կը գրաւէ Իսլանտան, երկրորդ՝ Զուիցերիան, երրորդ՝ Ֆինլանտան։ Առաջին տասնեակին մէջ է նաեւ Փորթուկալը, Աւստրիան, Նորվեկիան, Քաթարը, Սինկափուրը, Դանիան եւ Նոր Զելանտան։ Ամենավտանգաւոր երկիրներն են Կուաթիմալան, Եմէնն ու Ֆիլիփինները։
Վարկանշային ցուցակին մէջ ընդգրկուած է 128 երկիր։
