Հայաստանի եւ Ատրպէյճանի միջեւ սահմանազատման վերաբերեալ պայմանաւորուածութեան իրականացումը մէկ աստիճանով պիտի բարձրացնէ Հայաստանի ինքնիշխանութիւնը, սակայն կան ուժեր, որոնք չեն ուզեր, որ Հայաստանի ինքնիշխանութիւնը զարգանայ:
Լրագրողներու հետ զրոյցին նման դիրքորոշում յայտնեց ՀՀ վարչապետ Նիկոլ Փաշինեանը՝ Հայաստանի եւ Ատրպէյճանի միջեւ սահմանազատման հարցով ձեռք բերուած պայմանաւորուածութեան վերաբերեալ հարցերուն ի պատասխան:
«Ակնյայտօրէն կան ուժեր, որոնք չեն ուզում, որ Հայաստանի ինքնիշխանութիւնը զարգանայ: Նրանք ուզում են, որ Հայաստանի ինքնութիւնը կամ պետականութիւնը զարգանայ յառաջափոստի տրամաբանութեամբ, եւ ամէն ինչ անելու են, որ Հայաստանը իր ինքնիշխան որոշումն իրագործելու հնարաւորութիւն չունենայ՝ այդ թւում խաղալով մարդկանց յոյզերի հետ եւ այլն»,- ըսաւ վարչապետը՝ յաւելելով, որ այդ առումով հանգիստ է, որովհետեւ խօսած է ե՛ւ Ոսկեպար, ե՛ւ Կիրանց բնակավայրերու բնակիչներուն հետ:
Վարչապետին խօսքով՝ նախ՝ մենք կը պատրաստուինք տէ իւրէ հիմնաւորելու Արծուաշէնի՝ Հայաստանի մաս ըլլալը:
