Հայաստանի Ազգային Վիճակագրական Ծառայութեան հրապարակած տուեալներուն համաձայն, 2023-ին Հայաստան այցելած է 2 միլիոն 316 հազար 666 զբօսաշրջիկ։ Նախորդ տարուան համեմատ այցելութիւններուն աճը կազմած է 39 տոկոս։
Ամենաշատ զբօսաշրջիկները Հայաստան այցելած են Ռուսաստանէն՝ մէկ միլիոն 139 հազար 853 մարդ, կամ զբօսաշրջիկներուն 49 տոկոսը։ Երկրորդ տեղը Վրաստանն է՝ այնտեղէն 253 հազար 759 մարդ այցելած է Հայաստան, իսկ Իրանէն Հայաստան այցելած է 150 հազար 766 մարդ։
Տասնեակ հազարաւոր զբօսաշրջիկներ Հայաստան այցելած են նաեւ ԱՄՆ-էն, Հնդկաստանէն, Գերմանիայէն, Ֆրանսայէն, Ուքրանիայէն, Չինաստանէն, Ֆիլիփիէն եւ այլ երկիրներէ, մէկական այցելու՝ Անկոլայէն, Պարպատոսէն, Կամպիայէն, Չատէն, Սենթ-Վենսենթէն։
2023 թուականին Հայաստան այցելած են Ատրպէյճանի 23 քաղաքացիներ։
