Ատրպէյճանի նախագահի եւ Հայաստանի վարչապետի աշխատակազմերուն համատեղ յայտարարութիւնը փոխադարձ քաղաքական կամքի եւս մէկ արտայայտութիւն է՝ յառաջ մղելու փոխադարձ խաղաղութեան օրակարգը եւ բնականոնացնելու յարաբերութիւնները Պաքուի եւ Երեւանի միջեւ։ Այդ մասին յայտնած է Ատրպէյճանի նախագահ Իլհամ Ալիեւը Եւրոպայի Խորհուրդի գլխաւոր քարտուղար Մարիա Փէյչինովիչ Պուրիչի հետ Պաքուի մէջ կայացած հանդիպման ժամանակ:
Անոր խօսքով՝ Եւրոպայի Խորհուրդը շատ լաւ հարթակ է Ատրպէյճանի ու Հայաստանի միջեւ վստահութեան ամրապնդման համար։
Հայաստանը եւ Ատրպէյճանը Եւրոպայի Խորհուրդին անդամակցած են նոյն օրը՝ 2001 թուականի Յունուար 25-ին։
