Վարչապետ Նիկոլ Փաշինեան ընդունած է Amazon web services ընկերութեան տարածաշրջանային երկիրներու հանրային քաղաքականութեան հարցով ղեկավար Ֆրանքօ Սփիչիարելին:
Վարչապետը կարեւորած է Amazon ընկերութեան հետ համագործակցութիւնը եւ նշած, որ արհեստագիտական ոլորտի զարգացումը ՀՀ կառավարութեան համար ունի առաջնահերթ նշանակութիւն: Նիկոլ Փաշինեան յաւելած է, որ Amazon-ի հետ փոխգործակցութիւնն ու աշխոյժ երկխօսութիւնը կը նպաստէ համատեղ ծրագրերու իրականացման:
Ֆրանքօ Սփիչիարելին ընդգծած է Հայաստանի հետ համագործակցութիւնը զարգացնելու պատրաստակամութիւնն ու յաւելած է, որ Բարձր արհեստագիտական արդիւնաբերութեան նախարարութեան հետ աշխոյժ քննարկումներու փուլի մէջ են:
Մասնաւորապէս, հանդիպման ընթացքին անդրադարձ կատարուած է թուայնացման ոլորտին մէջ ծրագրերու իրականացման ու այդ ուղղութեամբ յառաջիկային նախատեսուող համատեղ աշխատանքներուն: