Վարչապետ Նիկոլ Փաշինեան հեռախօսազրոյց ունեցած է Քորէայի Հանրապետութեան նախագահ Եուն Սոք Եոլի հետ: Հեռախօսազրոյցի արդիւնքով, փոխադարձութեան հիմունքներով երկու մայրաքաղաքներուն մէջ դեսպանատուներ բանալու պայմանաւորուածութիւն ձեռք բերուած է:
Զրուցակիցները անդրադարձած են հետաքրքրութիւն ներկայացնող շարք մը հարցերու: ՀՀ վարչապետը եւ Քորէայի Հանրապետութեան նախագահը երկկողմ յարաբերութիւններու հետագայ զարգացման նպաստելու պատրաստակամութիւն յայտնած են:
