Ազգային Անվտանգութիւնը Ծառայութիւնը օրերս ձերբակալուած՝ Երեւանի նախկին քաղաքապետ Ալպերթ Բազէեանը կը մեղադրէ վարչապետ Փաշինեանի ֆիզիքական ոչնչացումը ծրագրաւորելու, նաեւ իշխանութեան զաւթումը կազմակերպելու համար։
Երեւանի նախկին քաղաքապետ Ալպերթ Բազէեանին ու եւս 7 հոգիի ԱԱԾ-ն մեղադրանք առաջադրած է իշխանութիւնը իւրացնելու նախապատրաստութեան համար։
Բազէեանն ու «Խաչակիրներ» ռազամահայրենասիրական կազմակերպութեան 7 անդամները ձերբակալուած են, յայտարարած է ԱԱԾ-ն՝ ընդգծելով, որ իրենց կամքէն անկախ, սակայն, անոնք չեն կրցած յանցագործութիւնը աւարտին հասցնել։
Բազէեանի փաստաբան Գէորգի Մելիքեանը «Ազատութեան» հետ զրոյցին ընդգծեց, որ իշխանութեան իւրացումը կազմակերպելու մէջ մեղադրուող Բազէեանի մեղադրականին մէջ գրուած է նաեւ, որ ան մտադիր եղած է իրագործել վարչապետ Նիկոլ Փաշինեանի ֆիզիքական ոչնչացումը, բայց չէ հասցուցած։ Մահափորձի մասով այլ մանրամասնութիւններու տեղեակ չէ փաստաբանը, ըսաւ միայն, որ պաշտպանեալը մեղքը չ’ընդունիր, ինքզինք կը համարէ քաղաքական բանտակեալ, որուն իշխանութիւնը բանտարկած է ստեղծուած լարուած իրավիճակով պայմանաւորուած։
Գէորգի Մելիքեանը փոխանցեց նաեւ, որ ԱԱԾ-ն դիմած է դատարան՝ Բազէեանը կալանաւորելու համար։
